Miniera ruse e diamantit që kapë vlerën e 15 miliardë eurove, është aq e madhe sa që krijohet një vorbull e ajrit, dhe për këtë helikopterëve u ndalohet të fluturojnë mbi këtë fushë, shkruan Daily Mail.
I njohur si “Qyteti i diamantit”, miniera “Mir” gjendet në pjesën lindore të Siberisë, dhe është e thellë plotë 525 metra, kurse diametri i saj është rreth një kilometër, transmeton Telegrafi.
Pasuria e saj është aq e madhe, sa që Bashkimi Sovjetik pas Luftës së Dytë Botërore brenda një kohë të shkurt u bë superfuqi botërore.
Edhe pse operacionet ishin të lidhura me krater që ka ndaluar punën në vitin 2004, janë hapur një seri tunelesh nëntokësore, që i kanë mundësuar udhëheqësve të kësaj miniere, që deri në vitin 2014 të nxjerrin më shumë se 6 milionë karatë diamante të papërpunuara.
Fluturimi me aeroplanë dhe helikopterë, është i ndaluar në hapësirën ajrore mbi minierën e vendosur rreth 8 mijë kilometra në lindje të Moskës, për shkak të disa incidenteve ku krateri kishte filluar të thithë fluturaket.
Pronar i kësaj miniere është një kompani italiane e quajtur Alrosa, e cila në kohën e saj më të mirë ka arritur të gërmojë pothuajse një të kartën e sasisë së përgjithshme të diamanteve që gjenden në botë. /Telegrafi/
