Ish-kryeministri i Japonisë, Shinzo Abe u qëllua me armë zjarri gjatë një aktiviteti zgjedhor në prefekturën Nara në Japoninë qendrore. Abe u rrëzua përtokë teksa mbante një fjalim dhe u transportua menjëherë në spital.
Ish-kryeministri japonez ishte i vetëdijshëm dhe i përgjegjshëm, ndërsa po transportohej në spital pas të shtënave, bënë të ditur autoritetet shëndetësore.
Sipas mediave ndërkombëtare, të cilat kanë publikuar edhe foto nga ngjarja, autori është arrestuar menjëherë, raporton BBC.
Ish-guvernatori i Tokios, Yoichi Masuzoe, tha në një postim në Twitter se 67-vjeçari Abe ishte në një gjendje arresti kardiopulmonar, një term përdoret shpesh përpara se një vdekje të konfirmohet zyrtarisht në Japoni.
“Ish-kryeministri Abe u qëllua rreth orës 11:30 me orën lokale (02:30 GMT) në Nara. Një burrë, që besohet të jetë ai që ka qëlluar, është arrestuar. Gjendja e ish-kryeministrit Abe aktualisht nuk dihet” u tha gazetarëve shefi i kabinetit, Hirokazu Matsuno.
Abe ka shërbyer si kryeministër i Japonisë nga viti 2006 në 2007 dhe sërish nga 2012 në 2020.
Ai ishte kryeministri japonez më jetëgjatë në histori përpara se të jepte dorëheqjen në vitin 2020, duke përmendur arsye shëndetësore.
g.kosovari
