Miliarderja Sara Blakely befasoi punonjësit në një festë për të shënuar vlerësimin e ri 1.2 miliardë dollarësh të kompanisë së saj “Spanx”. Ajo u ka dhuruar punonjësve dy bileta avioni të klasit të parë dhe 10,000 dollarë secilit.
Në komentet e postuara në mediat sociale, Blakely tha “Të qëndrojmë këtu sot dhe të mendojmë për atë që kemi qenë në gjendje të krijojmë dhe çfarë kemi qenë në gjendje të bëjmë duke qenë autentikë dhe të sjellshëm dhe duke ofruar produkte të mahnitshme për gratë”.
Kur Blakely filloi “Spanx” në vitin 2000 me vetëm 5,000 dollarë kursime, ajo u zotua se kompania e saj një ditë do të vlente 20 milionë dollarë. “Njerëzit qeshën”, tha ajo.
“Ky është një moment shumë i madh për secilin” tha Blakely, “dhe unë dua të ngre dolli për gratë” tha ajo. Ajo gjithashtu kërkoi më shumë mbështetje për biznesin e udhëhequr nga femrat.
g.kosovari
Zoti i shtoftë njerez si kjo