Ndërron jetë në moshën 61-vjeçare këngëtarja e njohur e grupit Roxette, Marie Fredriksson.
Ajo ishte gjithashtu kantautore, pianiste dhe piktore, nga Suedia, e cila themeloi grupin Roxette në 1986, e njohur për muzikën pop-rock.
Lajmin për vdekjen e ka konfirmuar menaxheri i saj, ku në një deklaratë shkruhet se këngëtarja ka ndërruar jetë të hënën, më 9 dhjetor “pas një beteje të gjatë 17-vjeçare me kancerin”.
“Ti ishe shoqja ime e mrekullueshme për më shumë se 40 vjet,” shkroi shoku i saj i bandës Per Gessle. “Gjërat tani nuk do të jenë më njësoj”.
“Faleminderit, Marie, faleminderit për gjithçka”, shtoi Gessle në një postim emocional.
“Marie na lë një trashëgimi madhështore muzikore,” shkroi menaxheri i saj Marie Dimberg.
Fredriksson u diagnostikua për herë të parë me tumor në tru në vitin 2002, kohë kur pësoi incidentin e parë për shkak të sëmundjes, kur u rrëzua në kuzhinën e saj, shkruan “Daily Mail”.
Tumori i kushtoi asaj shikimin në syrin e djathtë, por pas tre vitesh trajtimi, ajo u kthye në jetën publike dhe performoi me sukses përsëri me grupin Roxette nga 2008 deri në 2016.
Sidoqoftë, kanceri iu kthye sërish. Familja e Fredriksson tha që ajo humbi jetën pas ripërsëritjes së “sëmundjes së saj të mëparshme” në fillim të kësaj jave.
Marie Fredriksson është e njohur për hitet “Listen To Your Heart”, “The Look”, “Joyride” dhe “It Must Have Been Love”.
Në vitin 2016, ajo njoftoi se nuk do të zhvillonte më turne. Një postim në Facebook ajo shkruante se: ‘Roxette duhej të fillonte pjesën e fundit të turneut të 30-vjetorit të tyre të madh RoXXXette, më 3 qershor.
Megjithatë, këngëtarja Marie Fredriksson ishte këshilluar nga mjekët e saj që të përmbahet nga turnet dhe si pasojë të gjitha shfaqjet e verës u anuluan.
Marie lindi në Suedinë e Jugut më 30 maj 1958 dhe u bë shoqe e ngushtë me shoqen e saj të bandës Per Gessle përsëri në vitet 70-të.
Ata formuan grupin e tyre, Roxette, në 1986 dhe single-in e tyre të parë Neverending Love e ndjekur nga albumi Pearls of Passion në 1986 i bëri ata yje në Suedi.
Roxette arriti suksesin e tyre më të madh kur hiti i tyre i Krishtëlindjes në 1987, “It Must Have Been Love”, u përfshi në kolona zanore e filmit “Pretty Woman” në 1990./ Javanews
g.kosovari
