Ekipet e shpëtimit janë ende në kërkim të dy trupave të mbetur pranë vullkanit të Ishullit të Bardhë, pas gjetjes së 6 të vdekurve.
Kur vullkani shpërtheu të hënën 47 persona ndodheshin në ishull për vizitë turistike.
Tetë prej tyre u zhdukën në ishull.
Ndërsa 8 të tjerë u konfirmuan të vdekur dhe rreth 20 të tjerë janë nën kujdes intensiv pasi pësuan djegie të shumta.
Ndërkohë rreziku i shpërthimit të një vullkani tjetër është i lartë dhe kërkuesit po rrezikojnë jetët e tyre për nxjerrjen e të gjithë trupave.
Kërkimi për dy trupat do vazhdojë mëngjesin e së shtunës.
Marrja e kufomave nga Ishulli i Bardhë, i njohur edhe si Whakaari, u vonua për shkak të shqetësimeve rreth sigurisë së jetës së anëtarëve të ekipit të shpëtimit.
Trupat që janë gjetur besohet se janë të shtetasve australianë; Karla Matthews, 32, dhe Richard ‘Rick’ Elzer, 32 vjeç, nga Coffs Harbour, nëna dhe vajza e Brisbane, Julie Richards, 47 vjeç, dhe Jessica Richards, 20 vjeç, nxënëse e shkollës Adelaide Zoe Hosking, 15 vjeç, dhe gruaja e Melbourne, Krystal Browitt, 21.
Duke folur para gazetarëve, kryeministrja e vendit Jacinda Ardern tha se pyetja pse njerëzit u lejuan të vizitonin vullkanin do marrë përgjigje.
g.kosovari
