Policët e Venezuelës dyshohet se ekzekutuan një të ri, pas marrjes në pyetje brenda shtëpisë së tij në një lagje të varfër në periferi të Caracas.
Sipas mediave të huaja, 15 policë të maskuar u futën brenda shtëpisë së Jose Arevalo në Barrio Kennedy.
E dashura 29-vjeçarit dhe dy fëmijët e saj u nxorën para se Arevalo të pyetej nga një oficer: ‘Nëse bashkëpunon, do të shkosh i lirë, përndryshe do të vdesësh’.
Ndërsa Arevalo i është drejtuar duke u përgjëruar që mos ta vrasin.
“Arevalo u përgjërua i ulur pa bluzë dhe i paarmatosur, ‘Mos më vrit”, thot ajo.
Po sipas mediave të huaja, deklaratat e dëshmitarëve okularë kundërshtojnë raportin zyrtar të Forcës Speciale të Veprimit.
Ata pretendojnë se kanë qëlluar dhe vrarë pesë burra në një rrugicë, por pamjet tregojnë se të paktën njëri prej tyre, Arevalo, ishte keqtrajtuar fillimisht brenda shtëpisë së tij.
Klipi i 82 sekondave u regjistrua në minutat e fundit të jetës së Arevalo, i tha e dashura e tij Reuters.
Ajo tha se rreth 15 oficerë me uniformë dhe një person i paidentifikuar me rroba civile të armatosur e nxorën atë dhe fëmijët nga shtëpia.
I riu është ulur pa bluzë dhe i paarmatosur në një dhomë brenda shtëpisë së tij, nën marrjen në pyetje të policisë për një vjedhje makine aty pranë, duke u lutur oficerëve që të kursejnë jetën e tij.
Oficeri mund të shihet duke goditur Alvaron në fytyrë dhe duket doreza e tij gjatë një video të shkurtër.
“Nëse djali im kishte kryer një krim, ata duhet ta kishin akuzuar atë dhe ta çonin në gjyq,” tha Zuleica Perez, nëna e Arevalo, e cila më vonë e identifikoi trupin e tij në morg. “Në vend të kësaj, ata vendosën ta ekzekutojnë atë. ‘
20 rastet sipas Reuters janë dokumentuar në të gjithë Venezuelën, në të cilën dëshmitarët kanë përshkruar vrasje jashtëgjyqësore nga Forca e Veprimit Special, ose FAES.
Në korrik, një raport i OKB dënoi ‘ekzekutimet’ e FAES dhe i bëri thirrje Maduro të shpërndajë forcën. Raporti nuk detajoi raste specifike të abuzimit ose identifikimin e ndonjë prej personave të vrarë.
Maduro e quajti raportin “të njëanshëm” dhe në një fjalim televiziv kombëtar bërtiti: ‘Rroftë FAES!’
Për muaj të tërë, Reuters, media të tjera, agjensi ndërkombëtare dhe grupe të të drejtave të njeriut kanë raportuar për akuzat rreth FAES.
Tani, pas një hetimi katër-mujor, Reuters dokumenton llogaritë e dhjetëra dëshmitarëve okularë, familjarëve të të ndjerit dhe dokumenteve zyrtare që lidhen me vdekjen e tyre me pohimet e FAES që oficerët e saj vranë vetëm pasi u sulmuan.
Raportimi i ri siguron njohjen më të thellë të metodave të përdorura nga forca për të shuar kërcënimet e perceptuara ndaj sundimit gjithnjë e më autoritar të Maduro./ Javanews
g.kosovari
