Një ngjarje e rëndë ka tronditur qytetin e Durrësit mesditën e kësaj të marte, ku një 25-vjeçar, Marjan Kodheli, ka vrarë me thikë babanë e tij, Pjetër Kodheli, brenda banesës familjare.
Hetimet paraprake kanë zbuluar detaje tronditëse, pasi raportohet se i riu fillimisht e ka goditur të atin në kokë me një dru dhe më pas ka marrë thikën e bukës, me të cilën e ka qëlluar në zemër.
Pas krimit, Marjan Kodheli dyshohet se e ka lënë thikën mbi tavolinë dhe është larguar nga vendngjarja.
Më pas ai u arrestua nga policia, rreth dy orë pas ngjarjes së rëndë.
