Detaje të reja janë zbardhur nga zjarri që përfshiu ditën e sotme një pallat në Pogradec.
Një punonjës i shërbimit zjarrfikës ka mbetur i lënduar në tentativë për të shuar flakët, i cili është transportuar për në spital. Gjithashtu, në spital ka përfunduar dhe një banor, i cili ka pasur gjendje ankthi.
Në pallatin e përshirë nga flakët janë djegur 12 apartamente. Në fillim u raportua për 7 apartamente të djegura por tashmë bilanci është rënduar akoma më shumë.
Dy katet që janë përfshirë nga flakët në këtë pallat kanë qenë shtesë.
Ndërkohë bashkia ka njoftuar se do të gjejë strehë për familjet që kanë mbetur jashtë si pasojë e djegies së apartamenteve të tyre.
Ka dyshime se ka qenë një bombol gazi ajo që ka shkaktuar flakët. Aktualisht zjarrfikësja ne vendin e ngjarjes po bëjnë të mundur vënien e flakëve nën kontroll.
g.kosovari
