Zbuloni kush i sulmoi tifozëve të Legias
Nuk ka ende autor goditja me send të fortë e lojtarit të Legias së Varshavës, që u bë shkas për ndërprerjen e ndeshjes së turit të tretë kualifikues të Ligës së Europës në minutën e 52-të dhe që ka krijuar precedent për një hakmarrje të UEFA-s karshi vendimit të KAS-it për Serbinë.
As policia nuk ka ndonjë verison për këtë gjë, teksa thotë se sllovaku Duda u godit në një pjesë të fushës, që korespondonte me zonën bosh të stadiumit, në mes të tribunave përballë.
Gjithsesi, sulmet ndaj tifozëve polakë rrugëve të Tiranës, para ndeshjes, i ka marrë dikush përsipër. Fjala është për tifo-grupin “Plisat”, nga Prishtina, që përmes faqes së tyre zyrtare në Facebook, kanë hedhur më tej dritë: “Ne, “Plisat”, me krenari ju njoftojmë se jemi pjesë e sulmit të tifozëve të Legias nëpër rrugët e Tiranës.
Sulmi është bërë bashkë me grupin nga Tirana, “Ultras ’86”. Sulmi është bërë me qëllim, sepse tifozët e Legias kanë hapur shumë shpesh mesazhe nëpër Europë dhe Poloni kundër Kosovës dhe pro Serbisë. Ata tifozë nuk janë të mirëseardhur në tokat shqiptare e aq më pak të sillen sikur në bahçe të babës.”
https://www.youtube.com/watch?v=Ffk0_ycGssc
