Një person ka përfunduar në prangat e policisë së Durrësit, për zaptim plazhi dhe ndërtim pa leje.
Në vijim të kontrolleve të territorit, efektivët e policisë, në bashkëpunim me Inspektoriatin Kombëtar të Mbrojtjes së Territorit, te Shkëmbi i Kavajës, para lokalit të shtetasit I. K., kanë konstatuar se ai kishte zaptuar në mënyrë të paligjshme një sipërfaqe toke, pronë publike plazh, duke e rrethuar me mur dhe plate betoni.
Kështu uniformat blu bënë arrestimin në në flagrancë të I. K., 66 vjeç, banues në Durrës.
Ndërkohë, IKMT ka plotësuar dokumentacionin për prishjen e këtij ndërtimi brenda 5 ditësh.
Ndaj të dyshuarit materialet iu referuan Prokurorisë së Durrësit, për veprat penale “Ndërtim i paligjshëm” dhe “Pushtimi i tokës”.
g.kosovari
