Iku brun para 6 javësh, kur filloi grumbullimin me kombëtaren, për t’u kthyer bjond. Një ndryshim që s’e ka penguar vajzën e vogël të Granit Xhakës ta njohë menjëherë babain e saj, kur u kthye nga “Euro 2020”.
Pavarësisht kohës së gjatë, si kurrë më parë, larg saj dhe bashkëshortes (Leonita), kapiteni shqiptar i Zvicrës ka komunikuar rregullisht me të dashurit e zemrës përmes teknologjisë.
Kjo e ka “amortizuar” distancën fizike, por jo atë emocionale.
View this post on Instagram
Sikurse duket edhe në këtë video, të postuar në Instagramin e saj nga Leonita, e cila ka sjellë në jetë edhe bebin e dytë, vajza e parë del dhe e pret te dera Granitin. Disi e ndrojtur në fillim nga mungesa e gjatë, ajo njeh menjëherë babain dhe i hidhet në qafë. Pjesa tjetër vetëkuptohet, ka brenda mallin e prindit dhe fëmijës. Një moment si “qershia mbi tortë” për Xhakën, pas një Europiani të shkëlqyer që zhvilloi personalisht dhe me Zvivrën.
View this post on Instagram
Meritë e gruas, Leonita, që e ka përjetësuar këtë përqafim babë e bijë, i cili ka marrë mijëra “like” dhe komente në Instagramin e saj. Tashmë është koha për t’u çmallur me vajzën e madhe dhe të vogël, gruan dhe të afërmit e tjerë, pastaj të nisë pushimet e merituara. Ndërkohë, Jose Mourinho e pret te Roma, por më parë duket arritur akordi me “Topçinjtë”.
g.kosovari
