Mbrëmjen e djeshme në Bruksel, Federica Mogherini, përfaqësuesja e BE është takuar me liderët e Ballkanit dhe i ka përshëndetur të gjithë, teksa sipas atyre që thuhen nuk ka takuar vetëm kryeministrin e Shqipërisë, Edi Ramën.
Ajo u shfaq tejet e afërt me presidentin e Kosovës, Hashim Thaçin të cilin e puthi dhe e përqafoi, teksa të tjerët i takoi formalisht duke i shtrënguar dorën.
Në këtë moment ka ndërhyrë presidenti i Serbisë, Aleksandër Vuçiç, i cili e ngacmoi Thaçin në serbisht.
Ai i tha:
“Hashim, Federica më së shumti ka dëshirë të puthet me ty. Shikoni se si bën sikur nuk merr vesh serbisht, ti flet serbisht”.
Pas ngacmimit të Vuçiç, Thaçi dëgjohet tek qesh.
Ai i shtrëngoi dorën edhe Millorad Dodik, kryetarit të Republikës Serbe të Bosnjës, të cilin e kishte injoruar në një rast të mëparshëm.
