Një 52-vjeçar u vra me armë zjarri nga një bashkëfshatar i tij në zonat e thella të Mirditës. Viktima me iniciale M.D ka ndërruar jetë në spitalin e Rrëshenit si pasojë e plagëve, ndërkohë që policia ka nisur aksionin për kapjen e autorit të dyshuar.
Sipas të dhënave nga komisariati i Lezhës, që mbulon të gjithë qarkun, forca të shumta policore si dhe dy grupe te FNSH nisën aksionin për kapjen e shtetasit Ilir Dodaj, i cili është rrethuar në banesë. Negociatat për dorëzimin e tij vijuan për disa orë deri në arrestimin e tij. Në cilësinë e provës materiale, 39-vjeçarit iu sekuestrua arma e krimit.
“U bë e mundur kapja dhe arrestimi në flagrancë i shtetasit Ilir Doda, 39 vjeç, banues në fshatin Perlat i Epërm , i dyshuar për vrasjen e shtetasit M.D. 52 vjeç, banues në fshatin Perlat i Epërm. Këtij shtetasi iu sekuestrua në cilësinë e proves materiale arma e krimit”, informoi policia.
ma.me
