Dalin pamjet e para pas incidentit të ndodhur pasditen e sotme në qytetin e Vlorës ku një makinë shpërtheu pasi një lëndë plasëse ishte vendosur në të. 48-vjeçari Agron Alushaj, i cili ndodhej brenda makinës të tipit “Benz” me targa AA703, është plagosur rëndë dhe është dërguar menjëherë në spital. Automjeti po dilte nga një lavazho dhe do të udhëtonte drejt qytetit. I plagosuri nuk ka precedentë penalë dhe nuk dihen ende shkaqet e vënies së lëndës plasëse. Alushaj ende nuk ka dhënë informacione për uniformat blu për shkak të gjendjes së rënduar shëndetësore. Policia e Vlorës është ngritur në këmbë pas kësaj ngjarje, duke vendosur postblloqe në disa zona të qytetit.
ma.me
