Siç paralajmëruan sinoptikanët, sot termometri do të zbres në disa gradë nën zero. Por acari nuk e ka ndaluar vlonjatin Arben Abazaja për tu larë në detin e akullt të Vlorës. Në një video të shpërndarë në rrjetet sociale ai shihet teksa hidhet në ujë dhe noton.
Këto ditë të ftohta janari kemi parë shumë spektakël të tillë, ku mund të përmendim të rinjtë që laheshin në ujëvarën e Thethit, apo personi që lahej në liqenin e Pogradecit, por edhe një tjetër burrë që lahej në Sarandë.
“Jam futur edhe në ditë më të ftohta se sot. Më bëhet shëndet, s’kam pasur pasoja. Mbi 30 vite që notoj në dimër. Ne vlonjatët detin e kemi tjetër gjë, dashuria për detin. Nëse di sa të qëndrosh në ujë, është vetëm e dobishme”, tha ai.
