Me të vërtetë nuk keni parë ende asgjë! Ky bebush që shikoni në video, quhet Francis dhe noton në mënyrë perfekte si 8-muajsh që është. Në një intervitsë për edicionin veror në “Abc news”, mamaja e Francisit ka rrëfyer me detaje se si nisi historia e mësimit të notit.
Tashmë Francis i ka fituar reflekset e duhura që mund ta nxjerrin nga situata në rast rreziku.
“Dua që Francis të ketë besim tek vetja, që të mos ketë frikë as në ujë, pasi uji është i rrezikshëm. Nëse ia del në ujë, mund t’ia dalësh kudo tjetër,”- është shprehur e ëma e vogëlushit.
“E gjitha nisi kur ai ishte fare i vogël, vetëm 3-javësh! Nëse shikojmë në Youtube, ka plot video bebesh që i lëshojnë në ujë. Gjithmonë thoja me vete: “Uau, sa të zotë këta fëmijë. Si ia bëjnë? Si ia dalin?”, tregoi Fixhi, “Shtysa e parë në fakt, ka qenë im shoq. Kur lindi djali tha se do ishte mirë ta mësonim me not.”Mora edhe një trajnim personal, sesi të trajnosh bebet në ujë. Normalisht, sepse më duhet të mësoja çdo gjë. Edhe ndihmën e shpejtë në rast rreziku.”
Fixhi është e vendosur që djalit të saj t’i mësojë çdo aktivitet sportiv sado i rrezikshëm qoftë ai.
“Hedhja me parashutë ka qenë një ndër ëndrrat e mia, kështu që meqë mami nuk e bëri, le ta bëjë djali, pse jo edhe gjëra më të rrezikshme se ajo. Eksperiencat e rrezikshme janë më të bukurat. Absolutisht nuk kam frikë. Kam besim tek djali im,”- përfundon ajo. /MA.ME
