Janë jo të paktë zërat mediatikë por edhe nga politika që flasin për një ftohte të marrëdhënieve të kryebashkiakut Erion Veliaj me kryeministrin Edi Rama. Fillimisht ishte kryetarja e LSI, Monika Kryemadhi e cila u shpreh te “5 pyetjet nga Babaramo” se Rama mund të mos e kandidonte Veliaj për një mandat të dytë si kryebashkiak të Tiranës.
Por një panoramë ndryshe është ajo që na ofron vetë kryebashkiaku Veliaj. Ai është parë mjaft entuziast për rekomandimin pozitiv të Komisionit Europian për çeljen e negociatave me Shqipërinë. Postimi i fundit i Veliajt në rrjetet sociale është i mbushur me vlerësime për qeverinë për punën e saj reformatore në drejtim të përmbushjes së kushteve të anëtarësimit. Nga ky qëndrim nuk duket fare që të paktën nga Veliaj të ketë hatërmbetje me kryeministrin Edi Rama. Mbetet për t’u parë anasjelltas.
Postimi i Veliajt:
SHPËRNDAJE/SHARE – Lajmin e mirë për SHQIPËRINË!
Punë e shkëlqyer e Kryeministrit Edi Rama dhe qeverisë shqiptare për ta çuar vendin në drejtimin e duhur, përmes reformave dhe punës së vazhdueshme! Tani është koha të përveshim mëngët dhe të përqendrohemi në gjërat që na bashkojnë dhe jo ato që na ndajnë – Drejt Evropës!
