Serxhio Martiniani dhe Ationi Zhiti ishin dy të rinj që u përfshinë në një aksident fatal në autostradën Tiranë-Durrës, 20 dhjetorin e vitit 2014. Sot, Serxhio nuk mund të ecë më, pasi të dy këmbët i ka të paralizuara, ndërsa fati i mikut të tij ishte fatal pasi mbeti i vdekur në vend.
“Atë natë unë dhe Artioni ishim të vetmit që nuk kemi futur një pikë alkooli në bark”, rrëfen Serxhio që atë natë po drejtonte motorin.
“Po iknim në Durrës për të parë lindjen e diellit. Kishim aq energji sa mund të shkoni. Për një ‘check in’ për një gjë shumë të thjeshtë”, shtoi ai në emisionin e Rudina Magjistarit në “Tv Klan”.
Serxhio tregon se nga momenti i përplasjes nuk mban mend më asgjë deri në çastin e zgjimit nga koma. I riu kati një rikuperim të vështirë dhe kjo u arrit vetëm falë ndihmës së specializuar në Gjermani pasi te Spitali Ushtarak ishte “i vdekur”.
“Te ushtaraku mi prenë shpresat, babai u përpoq me të gjitha forcat që të merrte leje që si arrestuar të dërgohesha në Gjermani”, u shpreh Serxhio.
Ai sot lëviz me karrocë me rrota, ndërsa një ditë shpreson që të ecë sërish me këmbët e tij. Por për këtë duhet të presë minimumi 10 vite.
“Minimumi 10 vjet do të jem në karrocë me rrota. Mjeku tha 10 vjet duke më lënë një fije shpresë. Kur mora vesh për punën e Ationit nuk kam bërë asnjë zë të vogël për punën e të ecurit”, thotë Serxhio.
