Një ngjarje e rëndë ka ndodhur sot në linjën e autobusit Kombinat-Kinostudio, ku vjedhja e portofolit të një pasagjereje ka bërë që të shpërthejë dhuna.
Abcnews.al mëson se gjatë udhëtimit, një vajzë ka konstatuar se i kishin vjedhur portofolin duke njoftuar fillimisht për këtë fatorinon dhe shoferin.
Ky i fundit ka mbyllur dyert e autobusit duke pritur policinë, por kjo i ka irrituar udhëtarët e tjerë, të cilët kanë kërkuar hapjen e dyerve.
Debati ka zgjatur disa minuta sicc mëson abcneës.al dhe më pas disa prej udhëtarëve kanë sulmuar shoferin e autobusit me grushte dhe shkelma.
Në videon e publikuar në media duket momenti kur njëri prej pasagjerëve godet me grushte shoferin, kurse të tjerë përpiqen ta ndalojnë.
Policia ka arritur në vendin e ngjarjes disa minuta më pas duke shoqëruar vajzën që i humbi portofoli dhe personin që sulmoi shoferin.
