Dy ditë më parë u hap për drejtuesit e mjeteve segmenti i Unazës së Madhe që lidh zonën e “Pallatit me Shigjeta” me Farkën. Kryeministri Rama dhe kryebashkiaku Veliaj u shprehen se me hapjen e këtij segmenti do t’i jepej zgjidhje problemit të trafikut që krijohej nga fluksi i automjeteve që vinin nga sheshi “Shqiponja” dhe Kombinati në drejtim të qendrës.
Por mesa duket jo të gjithë qytetarët janë të mirëinformuar mbi mënyrën se si duhet të lëvizin në këtë segment.
Vetëm pak orë pas hapjes së këtij segmenti një drejtues mjeti është futur kundravajtje, por për fat të mirë makinat e tjera që u gjendën përballë kanë arritur të manovrojnë, duke shmangur kështu rrezikun e ndonjë aksidenti që mund të ishte fatal.
“Çudirat tek segmenti i Unazës së Madhe nuk paskan të mbaruar….! Shikoni se si i shpëton aksidentit për pak gjë kjo makina që po ecte Kundravajtje….! Ndiqeni”, shkruan harta dixhitale e aksidenteve që ka postuar edhe videon.
a.ç
