Do te kthehet serish ne Shqiperi biznesmeni spanjoll Eugenio Galdon, i cili gjate veres teksa ishte me familjen, u sulmua nga Mihal Kokedhima, pronari i lokalit “Panorma” ne Porto Palermo, nje lajm qe beri xhiron e mediave, se bashku me videon e dhunes.
Ministri i Turizmit dhe Mjedisit, Blendi Klosi ka zhvilluar ne mengjes nje takim ne Madrid me biznesmenin, i cili i ka pohuar se kete radhe do te kthehet te jape kontributin e tij pas pasojave te termetit tragjik ne vendin tone.
Biznesmeni do te rindërtoje një shkolle të dëmtuar nga tërmeti. Ai deklaroi se kontributi i kësaj familje, do të vijë përmes Kryqit të Kuq, nderkohe qe edhe vetë djemtë e familjes Galdon do të jenë te pranishem. Me tej, ai ka theksuar se do te kthehet me anije te vizitoje prape vendin tone.
Postimi i Klosit
Në Madrid, mëngjesi me Eugenio Galdon, që nga një incident i papranueshëm në verë, është shndërruar tashmë në mikun e Shqipërisë.
“Sa më shumë kalon koha, aq më shumë Shqipëria fiksohet në memoriet tona si vendi i një panorame natyrore të jashtëzakonshme dhe njerëzve mikpritës. Mihal Kokëdhima nuk përfaqëson as Shqipërinë dhe as shqiptarët”- thotë Eugenio.
Familja Galdon do të rikthehet në Shqipëri, por këtë herë në një tjetër cilësi: kontribuesit për rindërtimin e një shkolle të dëmtuar nga tërmeti. Kontributi i kësaj familje, do të vijë përmes Kryqit të Kuq dhe vetë djemtë e familjes Galdon do të jenë prezentë në vendin tonë.
g.kosovari
