“U nis vajza”, ky ishte mesazhi që u gjet në telefonin e ish-komandos Neim Avdyli dhe e ka fundosur njërin nga të arrestuarit për grabitjen në Qafën e Kasharit të enjten e kaluar.
Kjo është edhe një ndër provat kryesore që ka në dorë Prokuroria që përfshin Neimin si informator dhe vëzhgues në bandën e grabitësve të bankës.
Ai ka pranuar sot para gjykatës, e cila i dha arrest me burg, se në bandë kishte rolin e vëzhguesit. Ditën e grabitjes tha ai ka parë se sapo doli eskorta nga banka, dërgoi mesazhin anëtarëve të tjerë të grupit me përmbajtjen “u nis vajza”.
Pas 25 minutash, nga koha e marrjes së mesazhit, ka ndërhyrë edhe pjesa tjetër e grupit për të kryer grabitjen në Qafë Kashar.
Ai teksa ka pranuar krimin, ka treguar edhe detaje për paratë e vjedhura, ku tha se ato i ndante mes vetes dhe Fation Xhyliut, të penduarit të bandës. I fshehja që ti përdorja më vonë është shprehur ndër të tjera ai.
Ato më pas tha se i këmbenin në pika të ndryshme këmbimi valutor në sasi të vogla që të mos binin në sy. Kryesisht nën 3000 paund këmbeheshin në Lushnje dhe në Fier.
Sakaq, Ernest Kupa nuk e ka pranuar akuzën dhe ka thënë se ai është arrestuar pa prova ndaj tij.
Grabitësit e bankave/ Burg ish-komandos dhe “babagjyshit” (pamjet)
Ernest Kupa dhe Neim Avdulaj mbërrijnë në Gjykatën e Tiranës për t’u njohur me masat e sigurisë. Prokuroria ka kërkuar arrest me burg për të dy ata.
Një ditë më parë, gjykata la në burg dy të arrestuarit e tjerë në operacionin policir “Partrioti”, për grabitjen e parave të jë banke në Qafën e Kasharit të enjten e kaluar.
Ditjon Memlika dhe Fation Xhyliu u lanë në burg.
Ish-komandoja Neim Avdulaj në momentin e arrestimit ka qenë duke luajtur në një prej kazinove të qytetit të Vlorës, në bulevardin përgjatë Skelës.
Sipas të dhënave, Avdulaj është me orgjinë nga fshati Karbunarë i Vlorës. Ai është i datëlinjes 23 qershor 1988, ka lindur në Vlorë, por jeton në Tiranë.
Arrestimi i tij erdhi pasi Policia zbuloi se bënte pjesë në grupin e strukturuar kriminal, që kryente grabitjen e parave të bankave të nivelit të dytë.
Sakaq, i arrestuari tjetër Ernest Kupa, i cili është djali i xhaxhait të Ilir Kupës, po hetohet nëse ka qenë apo jo pjesë e “bandës së babagjyshëve”.
Ky grup kriminal u hetua nga Prokuroria e Krimeve të Rënda për dhjetëra grabitje në Tiranë e rrethe, por mendohet se Ernest Kupa i ka shpëtuar identifikimit në hetimin e parë, edhe pse ka qenë pjesëmarrës në krimet e realizuara nga grupi i “babagjyshëve”./panorama/a.k
