Trafiku i madh nuk i ka ndaluar disa automjete në autostradën Tiranë-Durrës të tejkalojnë shpejtësinë e limituar duke u kthyer kështu në rrezik për të gjithë.
Policia vijon monitorimet me radar dhe sipas tyre në orët e mbrëmjës konstatojnë mjete me shpejtësi deri në 159 km/h.
Sipas Policisë janë pezulluar 9 leje drejtimi si dhe janë vendosur 26 gjoba për shpejtësi dhe manovra. Nga ana tjetër, është kapur edhe një prej shofereve i shpallur në kërkimi cili po udhëtonte me 144km/h në tentative për t’u larguar nga aksidenti i ndodhur më parë në Durrës.
Njoftimi i policisë:
Vijon monitorimi me radar i qarkullimit të automjeteve në rrugën interurbane Tiranë-Durrës-Tiranë.
Policia Rrugore e Tiranës, po vijon kontrollet e pandërprera 24/7 me në rrugën interurbane Tiranë-Durrës-Tiranë, për të parandaluar shpejtësinë tej normave të lejuara, e cila është rrezik potencial për përfshirje në ngjarje rrugore.
Si rezultat i monitorimit janë pezulluar 9 leje drejtimi, për shpejtësi tej normës së lejuar.
Janë vendosur 26 masa administrative për shpejtësi dhe manovra në rrugë, si dhe janë vendosur 3 masa administrative maksimale me vlerë 40.000 lekë të rinj, pasi drejtuesit e mjeteve ishin rezident në një shtet tjetër.
Një prej drejtuesve të mjeteve të konstatuar me shpejtësi 144 km/h ishte i shpallur alert nga DVP Durrës pasi ishte larguar nga vendi i aksidentit.
Policia e Shtetit apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor.
Në të gjitha akset nacionale nga Rruga e Kombit deri në Sarandë, dhe nga Korça deri në Berat, si dhe në qendrat kryesore urbane ka patrulla të Policisë Rrugore me radarë, alkooltestues, dronë, kamera e aparatë fotografik.
g.kosovari
