Një instruktor i sporteve ekstreme dhe i hedhjeve nga lartësia është dënuar me 4 vite burgim, pasi inkurajoi një grua të hidhej nga 30 metra lartësi por që rezultoi fatale për të.
33-vjeçarja Yevgenia Leontyeva, ishte skeptike për hedhjen me litar nga kulmi i një hoteli në Kazakistan, pavarësisht se një hedhje të tillë e kishte bërë më herët, por ajo u inkurajua edhe nga instruktori.
Nëna e tre fëmijëve kishte parë shoqen e saj të hidhet fillimisht, që rezultoi një hedhje e suksesshme, por asaj i erdhi radha gjërat përfunduan për keq dhe ajo gjeti vdekjen.
Sipas dëshmitarëve okularë, Yevgenia dukej e frikësuar por në fund kishte dëgjuar këshillat e instruktorit Alexander Muznikas, 33-vjeç që e inkurajonte që të hidhej.
“Gruaja ime u rrëzua para syve të mi”, tha Alexander Tkachenko, burri i saj.
“Ai i tha se nuk është hera e parë që po hidhesh. E di si duhet ta bësh. A t’i vendosa pajisjet mbrojtëse”, tha një dëshmitar duke iu referuar instruktorit.
Ajo në video shihet duke u hedhur nga kulmi i hotelit para syve të bashkëshortit Alexander Tkachenko që i thotë “të dua”. Edhe pse videoja e plotë nuk është publikuar për shkak të pamjeve të rënda ku ajo përplaset në tokë dhe më pas në rrethimin mbrojtës.
Pas hetimeve rezultoi se instruktori nuk e kishte lidhur si duhet litarin elastik, gjë që ky gabim i solli vdekjen asaj./m.j
