Një pilot ukrainas i AtlasGlobal Airlines ka arritur të shpëtojë 127 pasagjerë, pasi avioni u gjend në mes të një stuhie në një lartësi shumë të madhe. Aeroplani u godit nga kokrra breshëri sa një top golfi, duke dëmtuar pjesën e parme të tij, por fatmirësisht piloti ka arritur të bëjë ulje emergjencë në tokë, duke shmangur një tragjedi.
Dëmet e avionit janë të dukshme.
Stuhia ka nisur dhjetë minuta pasi avioni ishte ngritur nga Qipro. Pasi arriti lartësinë 1300 metra, kokrrat e breshërit kanë thyer xhamat e kabinës, duke i penguar në këtë mënyrë shikimin pilotit.
Pasagjerët në bord kanë qarë dhe bërtitur të terrorizuar. Kur avioni u ul në Stamboll, ekuipazhi është duartrokitur dhe pilotët e avionëve të tjerë janë ngjitur në bord për ti shtrënguar dorën pilotit, që ka bërë një mrekulli.
Presidenti ukrainas Poroshenko i ka dhënë pilotit medaljen e kurajës: ’Ishte e vështirë, por gjëja kryesore është që të gjithë shpëtuam’, ka thënë piloti./a.ç
a.ç
