Janë të mirë dhe të urtë kur kërkojnë votat, por nuk përmbahen kur vijnë në pushtet.
Këto video të mëposhtme tregojnë dy kryebashkiakë të së majtës, me disa reagime kaq të ashpra, sa të lënë pa fjalë.
Videot janë postuar nga Jeta Osh Qef.
Fillimisht në videon e mësipërme bëhet fjalë për tregtarët e Lushnjes, të cilët janë hedhur në protestë pasi i kanë larguar nga tregu.
Ata kanë shkuar te Kryetari i Bashkisë së Lushnjes për t’i kërkuar që ta zgjidhë hallin e tyre.
Duket se Fatos Tushe ka qenë i vendosur për të mos marrë parasysh kërkesën e tregtarëve, madje debati degradon në fyerje të tregtarëve nga Tushe.
“Ku do hamë? Kam 12 kalamaj për të ushqyer”, qan hallin një nga protestueset, por përgjigja e Tushes i lë pa fjalë.
“Po kush t’i polli ty? Lagjja apo vetë? Rriti vetë”.
Jo vetëm kaq, por debati mes tyre ka vazhduar deri në kërcënime, përsëri nga ana e kryetarit.
“Unë dua të drejtën, s’kam ku të ha! Jam e sëmurë!”
“Mos më ngri mua zërin. Ta fus atë portofolin mu në gojë unë!”
Kurse në videon e dytë është kryebashkiakja e Gjirokastrës.
Jeta Osh Qef thotë se komunikimin e saj do e kishte zili edhe Vladimir Putini.
Këtu ka degraduar Shqipëria: me kryetarë që jo vetëm s’të zgjidhin hallin, por edhe të ofendojnë e të kërcënojnë.
