Disa persona u lënduan kur një tornado e fuqishme e goditi pjesën jugore të Rumanisë, me ç’rast një autobus e nxori nga rruga dhe e rrotulloi në një fushë pranë saj. Mediet lokale raportuan se dymbëdhjetë udhëtarë u lënduan.
Shoferët dolën nga makinat e tyre afër Calarasit për ta shikuar tornadon e rrallë që lëvizte nëpër fusha dhe ngriste në qiell një “kështjellë” pluhuri.
Tornadoja për pak nuk përfshiu një fshat, por kulmet e dhjetë shtëpive u shkatërruan nga era e fuqishme, shkruan BBC.
Meteorologët thanë se moti i pazakonshëm në pasditen e së martës ishte rezultat i ndeshjes së masës së ftohtë të ajrit nga Bullgaria dhe masës së ajrit të ngrohtë në jug të Rumanisë. Besohet që shpejtësia e kësaj tornadoje ishte rreth 90 kilometra në orë.
Të mërkurën janë raportuar erëra me shpejtësi të madhe në Rumani. Zyra kombëtare e motit tha se do ta shqyrtojë përdorimin e rrjetit telefonik për t’i paralajmëruar njerëzit që janë në zonat e rrezikuara nga tornadot.
Tornado yesterday evening in Călărași România. I think it’s a F3 pic.twitter.com/TczZGIBXbF
— Marius Constantin (@MariusCMusic) May 1, 2019
g.kosovari
