Të shtëna arme janë dëgjuar nga ballkoni i një të riu që po dëgjonte këngën e reperit Tupac, i njohur për rebelizmin e tij.
Në videon që e xhiroi vetë, dëgjohet duke sharë policinë që qëndronte poshtë apartamentit të tij në Kent, Britani.
I riu po dëgjonte dhe këndonte projektin e Tupac “Hit Em Up” kur vendosi të dilte në ballkon dhe të qëllonte në ajër me armë. Ai e quan veten si “flexingmike” dhe deklaron se është drejtori i projekteve “Të vërteta apo guxime”.
Me kamerë tregon edhe apartamentin e tij ku duken të paktën katër armë në krevatin e tij. Zëdhënësi i policisë së Kentit foli për këtë rast duke thënë se kanë marrë njoftime për prishje të sigurisë publike në një apartament rreth orës 08:35 sipas orës lokale.
“Anëtarët e publikut raportuan një burrë nga ballkoni që kishte armë dhe në skenë kishte edhe disa oficerë të armatosur”, thuhet në njoftim.
Policia arriti të arrestonte djalin në të 30-at, i cili akuzohet për posedimin e armëve të zjarrit.
g.kosovari
