Një person ka tentuar grabitjen e një banke gjatë natës në Tiranë. Ai ka thyer me gur xhamin dhe ka kontrolluar sirtarët por nuk ka gjetur asgjë. Policia e sinjalizuar pas aktivizimit të alarmit shkoi me shpejtësi në vendngjarje por autori ishte larguar.
Detajet
Më 05.03.2017, rreth orës 00:17, është aktivizuar sinjali i një banke të nivelit të dytë, ndodhur në Rrugën “Hamdi Cinoimeri”.
Menjëherë janë nisur shërbimet e Policisë, të cilët kanë konstatuar xhamin e hyrjes kryesore të Bankës të thyer.
Nga veprimet e kryera nga grupi hetimor dhe kqyerja e kamerave të kësaj Banke, ka rezultuar se një shtetas pasi ka thyer xhamin me sende të forta (gurë), ka hyrë brenda Bankës ku ka kontrolluar sirtarët dhe më pas është larguar pa marr asgjë, sipas edhe deklarimeve të punonjësit të bankës.
Po nga kqyrja e kamerave rezultoi se ky shtetas i ka kryer këto veprime për 20 sekonda dhe më pas është larguar me shpejtësi.
Po punohet për identifikimin dhe kapjen e autorit të kësaj ngjarje.
