Ka humbur ndjenjat në protestë tezja e Martin Canit, i cili u vra nga bashkëmoshatari i tij pranë shkollës “Fan Noli”, në Tiranë.
Në protestën për vrasjen e Martin Canit, e cila është zhvendosur nga shkolla “Fan Noli” te Ministria e Arsimit, kanë marrë pjesë edhe familjarë të 14-vjeccarit.
Tezja e djaloshit që ndërroi jetë, ka folur për pak sekonda para të pranishmëve në tubimin qytetar, duke prekur me fjalët e saj.
“Drejtësia të vihet në vend, nuk e çuam në luftë të na e therin, e çuam në shkollë”, tha tezja e viktimës.
Në momentin kur tezja e Martinit po fliste, një zonjë pranë saj që besohet të jetë familjare e 14-vjeccarit nuk është ndjerë mirë dhe ka humbur ndjenjat, pavarësisht se qytetarët rreth saj kanë tentuar ta shmangin një situatë të tillë duke i ofruar ujë.
Menjëherë është kërkuar ndihma e ambulancës, e cila ka ardhur vetëm brenda pak minutash për ta transportuar anëtaren e familjes Cani në spital.
/a.r
