Një paralajmërim për cunami u lëshua pasi një tërmet me magnitudë 7.2 goditi Haitin, sipas Institutit Amerikan të Gjeofizikës. Sipas raporteve fillestare deri më tani 227 persona kanë humbur jetën, ndërsa numri i viktima mendohet të rritet në orët në vijim.
Tërmeti, i cili ndodhi më shumë se 160 kilometra në jugperëndim të kryeqytetit Port-au-Prince, shkaktoi shembjen e shtëpive dhe tronditjen e ndërtesave në të gjithë vendin.
Vetëm disa orë pas tërmetit, kryeministrit i Haitit, Ariel Henry foli përmes mediave sociale, duke shprehur ngushëllimet e tij për të afërmit e viktimave të tërmetit, i cili shkaktoi shumë viktima dhe dëme materiale në disa rajone të ndryshme të vendit.
“I drejtohem shpirtit tuaj solidar dhe ju falënderoj për angazhimin e madh tuaj. Ju kërkoj që në këto orë të këqija për vendin të jemi të bashkuar për ta përballuar këtë situatë dramatike që po përjetojmë”, tha ai.
“Bashkimi është forca jonë”, shtoi më tej Henry.
Presidenti i Shteteve të Bashkuara, Joe Biden, ka shpreh keqardhje për numrin e lartë të viktimave dhe për dëmet e shkaktuara, ndërsa ka lajmëruar se ekipet e specializuara dhe ndihmat financiare nuk do të mungojnë për Haitin.
Terremoto de magnitude 7,2 atinge o Haiti pic.twitter.com/AzWqQmHXFr
— Terra Rara (@Terra_Rara) August 14, 2021
