Mediat kanë siguruar pamje të reja lidhur me episodin e dhunës të ndodhur mbrëmjen e 3 Majit, ku kandidati i Partisë Demokratike Bledjon Nallbati dhe i vëllai i tij dhunuan një shofer kamioni në Bilisht.
Në pamjet e reja, shihet teksa kandidati i Berishës që pretendon se ishte një sulm politik, edhe pse me prezencë të policisë, ngjitet në shkallën e kamionit dhe godet me grushte nga dritarja e derës shoferin.
Pas konfliktit Nallbati pretendoi se ishte një sulm politik dhe këto akuza ai i përsëriti edhe një ditë më parë nga Gjykata e Korçës, e cila e la të vëllain në masën “detyrim paraqitjeje“.
Policia arrestoi vëllain e deputetit demokrat, 42 vjeçarin Alti Nallbati të dielën me akuzat për veprat penale “Dëmtime të tjera me dashje”, “Prishja e qetësisë publike”, dhe ” Pengimi i qarkullimit të mjeteve të transportit”. Ndërsa Bledjon Nallbati, i njohur edhe për dhunë në Kuvend, ndonëse ‘protagonisti’ kryesor i këtij agresioni, nuk u procedua penalisht.
Perteje rrugacerise se nje banditi, pamjet tregojne qarte policine qe (nuk) duam. Dorezim e turp! Hajde prit pastaj te bejme shtet me lango!