Me një mesazh në gjuhën angleze, përkthyer me titra shqip, shoqëruar nga pamje pikante gjatë aksionit opozitar gjatë protestave ku kërkohej largimi i qeverisë Rama, të rinjtë e LRI-së kanë shpërndarë një video mesazh që fton të gjithë qytetarët të marrin guximin sepse tani është koha për të vepruar e për të mos pranuar më këtë regjim. Një mesazh ishte edhe për kryetaren e LSI, Monika Kryemadhit, te ciles te rinjte e LRI i kerkojne “zgjo bishen brenda teje”.
Kjo video u shfaq pas fjalës së kryetares së LSI në ekranin e miniskenës në kampingun e Jalës.
Për të 11-in vit radhazi Lëvizja Rinore për Integrim organizon kampingun veror në Jalë. Këtë vit, kampingu përkon dhe me 15 vjetorin e krijimit të Lëvizjes Socialiste për Integrim.
Në natën e parë të kampingut ka mbajtur një fjalë dhe Monika Kryemadhi e cila kërkoi nga të rinjtë të besojnë dhe të luftojnë për të kaluar këto ditë të vështira për shqiptarët dhe opozitën si dhe për t’i dhënë më shumë zë kauzës së tyre për më shumë mundësi për rininë, për arsim, punësim dhe ndërtimin e të ardhmes në Shqipëri.
g.kosovari
