Ministri i Brendshëm, Saimir Tahiri nga Laçi i ka bërë thirrje politikës që të mos promovojë dhunën.
“Të shohësh episode dhune që nuk mbeten vetëm brenda mureve të Parlamentit, por çojnë sinjale dhunë edhe tek qytetarët. Ndaj unë them që politika t’i lërë dëngat dhe promovojë qytetarë që respektojnë ligjin, që nuk i dedikohen dhunës dhe të refuzojmë të gjithë së bashkë dhunën”, u shpreh Tahiri.
“:Nuk ka gjë më të dhimbshme se sa të shohësh se sa shumë referime ka për dhunën në familje”, shtoi ministri.
Tahiri gjithashtu tha se duhen krijuar mekanizma për denoncimin e dhunës, por nga ana tjetër theksoi se duhen krijuar dhe mekanizma parandaluese.
“Për ndihmë nuk është e para Policia, duhet të ketë mekanizma shoqëror që i paraprijnë Policisë, në mënyrë që viktimat e dhunës së mos jenë të tilla”, tha Tahiri.
Për ngjarjen e ndodhur në Fier, ku gruaja e hedhur nga dritarja kishte urdhër mbrojtjeje, Tahiri nuk bëri koment por tha vetëm: “Detajet e çështjes do të bëhen publike sipas rastit”.
MA.ME
