Deputeti i Rithemelimit Tritan Shehu ndonëse i është bashkuar “Studio Live” në Report Tv nuk ka pranuar që të diskutojë me të ftuarin tjetër, anëtarin e Këshillit Kombëtar të PD-së Fatbardh Kadilli për vendimin që pritet të marrë nesër Gjykata e Posaçme për masën “arrest shtëpie” që SPAK ka kërkuar ndaj Sali Berishës.
Tritan Shehu: Me leje. Unë jam duke ikur se jam në udhëtim. Nëse ke ndonjë pyetje për të më bërë mua… pastaj vazhdo me kolegët”, ka thënë Shehu.
Gazetari Arbër Hitaj: Skenarin e përcaktojmë ne. E kemi te zonja Banushi fillimisht. Nëse keni punë jeni i lirë të shkoni dhe jo të na impononi në këtë farë mënyre mendimet. Kemi një skaletë një renditje dhe mbi të gjitha Keti është një zonjë. Regjia më njofton se zoti Shehu është larguar. Nuk ka dashur të respektohet as hierarkia që kemi një zonjë këtu. Me sa duket zoti Shehu i është trembur debatit edhe pse nuk e kishim planifikuar të ishte i tillë.
