Agjencia evropiane e hapësirës në bashkëpunim me agjencinë italiane kanë nisur drejt planetit mars sondën “ExoMars”.
Operacioni për uljen e sondës u zhvillua rreth orës 17 të së mërkurës, ndërkohë konfirmimi për prekjen e marsit erdhi rreth orës 18.40, pas një sinjalizimi të dhënë nga radioteleskopët.
Sinjali u prit me duartrokitje të mëdha, në qendrën e kontrollit të misionit në Darmstadt të Gjermanisë por edhe në sallën e kontrollit në Romë. Zbritja e sondës zgjati rreth 6 minuta, kohë që u dukën si shekuj për shkencëtarët të cilët tashmë janë në pritje të sinjaleve nga “ExoMars”.
Misioni i saj është zbulimi i shenjave të jetës në planetin e kuq. Në vitin 2020 është parashikuar dërgimi i një roveri italian, me paisje që do të bëjnë shpime në sipërfaqen e marsit, për të kërkuar gjurmë jete./a.m.
