Kur kanë kaluar më shumë se një javë nga vendosja e maskës me detyrim, duket se qytetarët nuk janë ndërgjegjësuar mjaftueshëm për ta mbajtur atë, kjo e reflektuar edhe nga gjobat e vendosura nga policia çdo ditë.
Për këtë arsye, Task Forca ndërinstitucionale ka zbritur në terren për të këshilluar qytetarët në rrugët më të populluara të Tiranës për të mbajtur maskën. Lajmi është bërë i ditur nga kryeministrit Edi Rama, teksa ka bashkangjitur edhe një video.
“Nuk ka dalë njeri për gjobë, ju këshillojmë të mbani maskën”
“Mbuloni dhe pjesën e hundës“, dëgjohen teksa këshillojnë anëtarët e Task Forcës.
“Task Forca ndërinstitucionale është në krye të detyrës për zbatimin e masave antiCOVID, për të mbrojtur shëndetin e qytetarëve. Ekipet e Task Forcës kanë vijuar edhe sot këshillimet për mbajtjen e maskës në rrugët më të populluara të Tiranës, për të rritur ndërgjegjësimin për rëndësinë e veprimeve individuale për të mirën e përbashkët”, shkruan Rama.
g.kosovari
