Policia e Shtetit ka dhënë një deklaratë për shtyp për arrestimin e Tesiljano ose Tesi Bashos, i cili ra në pranga ditën e sotme. Në deklaratë thuhet se gjatë aksionit është arrestuar edhe vëllai i Bashos, Satilno Basho, 33 vjeç, banues në Vlorë.
Për këtë shtetas kishte urdhër-ndalimi nga Prokuroria e Krimeve të Rënda, i dyshuar për veprën penale “Shtrëngimi me anë të kanosjes ose dhunës për dhënie pasurie”, ngjarje e ndodhur gjatë kohës kur Tesi Basho ishte në kërkim policor.
Të dy vëllezërit dyshohet se në janar të vitit 2017, nëpërmjet dhunës, kanë kërcënuar për dhënie pasurie rreth 100 000 euro një shtetas.
Gjithashtu dy vëllezërve u janë sekuestruar arsenal armësh, municione, tritol e lëndë narkotike.
Shtetasi Tesi Basho në 2016 është arratisur nga burgu i Rebibbos në Itali. /a.r
