Prej muajsh të tërë është hapur një debat i ashpër lidhur me projektin për ndërtimin e një Teatri të ri Kombëtar, që do të ngrihet në vendin ku ndodhet ekzistuesi.
Pjesa më e madhe e opinionit publik, politikës por edhe aktorëve kanë dhënë dakordësinë për një teatër të ri qoftë edhe duke shembur të vjetrin, por ndarja e madhe qëndron te kullat, nëse duhet të lejohen apo jo, edhe pse trualli i teatrit nuk cënohet.
Një pjesë e aktorëve prej muajsh kanë protestuar “kundër kullave në tokën e teatrit” sipas tyre, ndërkohë disa prej tyre kanë kundërshtuar shembjen e teatrit ekzistues, një grup ky më i vogël.
Ajo që ka rënë në sy së fundi është fakti se pjesë e protestës janë gjithmonë e më pak qytetarë dhe aktorë. Tashmë protestat i ka marrë në dorë Partia Demokratike.
Por, pavarësisht protestave, mazhoranca miratoi në parlament ligjin që i hap rrugën negociimit me kompaninë private për projektin dhe kontratën PPP.
Tashmë, që projekti pritet të nisë zbatimin, JavaNews sjell për ju videon e projektit se si do jetë Teatri i ri Kombëtar që do të ngrihet në trualln e të vjetrit./a.m.
