Dy shqiptare nga Kosova janë bërë bashkë në “The Voice” në Australi. Rita Ora si anëtare e jurisë, ndërsa Sihana Haxhnikaj si konkurente e këtij edicioni.
16-vjeçarja, që garoi me këngën ‘Nothing Breaks Like a Heart’ të Miley Cyrus, tërhoqi jo vetëm vëmendjen e të gjithë publikut, i cili e duartrokiti gjatë gjithë kohës, por edhe të këngëtares me famë botërore Rita Ora. Artistja ishte ishte e vetmja që shtypi butonin e kthimit, duke e bërë automatikisht Sihanën pjesë të skuadrës së saj.
Por në momentin që Rita mëson se Sihana eshte me origjinë nga Kosova, reagon e emocionuar.
Ajo përshëndeti familjarët e vajzës në gjuhën shqipe, duke i bërë me dije dhe anëtarëve të tjerë të jurisë se vajzat vinin të dyja nga i njëjti vend.
Kjo nuk është hera e parë që talentet shqiptare të të gjitha trevave performojnë dhe tërheqin vëmendjen e jurive ne vende te ndryshme me vokalet e tyre./m.j
