Njëmbëdhjetë shqiptarë të Kosovës kanë pushtuar majën e “Mont Blanc” të alpeve franceze, e lartë 4810 metra mbi nivelin e detit.
Prej tyre tri kanë qenë femra. E qëllimi kryesor i kësaj ekspedite ka qenë që të ndihmohen femrat që të pushtojnë këtë majë. Atje është vendosur flamuri i Kosovës ai i Shqipërisë si dhe flamur i komunës së Prishtinës.
Këta dy të fundit i ka ngritur drejtori i Drejtorisë së Urbanizimit në Komunën e Prishtinë, Librun Aliu, i cili ka postuar në Facebook fotot.
Gjashtë muaj përgatitje kanë bërë për këtë aventurë grupi Alpin “Prishtina”. Kryetari i këtij klubi, Nazmi Hasanramaj, ka treguar nga Franca, për eksperiencën në ngjitjen historike.
“Qëllimi i ekspeditës ishte pushtimi në mënyrë të organizuar i majës së ‘Mont Blanc’, si dhe përkrahja e femrave që të arrijnë këtë gjë”, ka thënë Hasanramaj.
“Ka qenë shumë e vështirë ecja me pesha deri në 15 kilogramë. Ecje nëpër borë e në frymë të ftohtë në një lartësi të madhe mbidetare ka qenë e vështirë”, ka përshkruar ajo. “E gjitha kjo, pa e ditur se si do të reagojë organizmi ynë ndaj kësaj ecje”, ka thënë Ibrahimi, në një prononcim përmes telefonit.
