Kryeministri Edi Rama ka qenë i ashpër me gazetarët në përfundim të seancës plenare, ku u rrëzua kërkesa e Prokurorisë për arrestimin e Saimir Tahirit. Rama iu është përgjigjur pyetjeve të gazetarëve jashtë dyerve të Kuvendit me fyerje e ofendime, duke e cilësuar kërkesën për arrestimin e Tahirit një masë ekstreme.
Kjo ishte e vetmja përgjigje e kryeministrit mbi çështjen e Tahirit, ndërsa gjithçka tjetër ishte e përqendruar në sulme e fyerje ndaj gazetarëve, teksa i quajti ata të paditur, të papërgatitur, pjesë të llumin e kazanit dhe që flasin përçartë. Në shenjë ‘hakmarrjeje’ ndaj të parit të vendit, gazetarët bojkotuan fjalën e Ramës, teksa ranë dakord me të dhe u larguan duke i thënë ‘ok, keni të drejtë’.
“Së pari turp për të gjithë ju dhe ata si ju nuk keni kuptuar se për cfarë bëhet fjalë dhe vazhdoni tororisni miletin. Nuk kemi kuptuar që jemi në kushte thjesht të qarta për këdo që merr mundimin të lexojë 5 reshta se për cfarë bëhet fjalë. Akoma nuk keni marrë vesh që imuniteti i deputetit ka rënë prej kohësh. Nuk jemi këtu për të diskutuar për t’ia hequr apo jo imunitetin.
Ju nuk keni marrë vesh akoma dhe mund të qeshni sa të doni, por jeni pjesë e këtij problemi të madh, jo në rastin konkret. Akuzat i përconi si një tel bakri, që nuk ka as përgjegjësinë për atë që përcon. Sot jemi këtu jo për të mbrojtur një deputet, por për të mbrojtur drejtësinë. Cili prej jush do të pranonte që pronari do ta conte në burg se mund të ketë vjedhur ndonjë mikrofon.
As përpiqeni të thelloheni në ato që lexoni dhe as nuk doni të dëgjoni. Cili është roli që përfshin Kuvendin e Shqipërisë? Çfarë është Kuvendi, një studio noteri? Çfarë është Komisioni i Mandateve? Një tufë huqsh që janë aty për t’u tundur? Për çfarë është aty Kuvendi. Këtu nuk bëhet fjalë për imunitetin, por një kërkesë shumë ekstreme ‘arrestin me burg’.
As ministri, as kuvend, as këshilli i mandateve nuk kthehen në gjyqtarë. Para se të bësh këtë pyetje, shko lexo. Nëse do ishte kështu si thua ti kërkesa do shkonte direkt në gjykatë. Për ca arsyeje vjen këtu? Pyetjet tuaja burojnë nga padituria, jeni kaq të paditur. S’keni detyrën të dini gjëra që nuk janë pjesë e formimit tuaj, por jeni të detyruar të mësoni për gjërat që merrni përsipër.
Sot kam dalë për ju dhe ato kokat e mëdhaja që tororisin dynjanë në kazan. Ju flisni përçartë, sepse unë kam bërë gjënë që bën çdokush dhe që duhet të bëni dhe ju duke parë atë çorbë llumi që doli. Kam thënë atë që duhet të thotë gjithkush dhe mbi të gjitha ai që drejton qeverinë, që dua të vërtetën dhe këtë e dua nga drejtësia. Është e drejta ime t’iu përgjigjem juve si ma do e bardha zemër.
Ju ku jeni që të hetoni për atë që thotë ai apo ky, por me këtë pozitë idiote më vendos ti, pasi jeni imlifikator i thashethemeve.
Pse po ofendoni?
Unë nuk po ofendoj askënd. I vendosi gjërat sikur u teket.
A jeni gati të zhvishni nenin 73 të Kushtetutës për imunitetin?
Në asnjë vend të planetit nuk bën vaki që prokuroria të arrestojë një deputet pa kaluar nga parlamenti apo gjykata. Ne kemi kushtetutën tonë dhe e kanë shumë vende, ne zbatojmë tonën.
A do të reformoni kushtetutën për imunitetin?
Publiku kupton gjithçka dhe shumë mirë. Përsa i përket cështjen konkrete unë e kam mbyllur i kam thënë fjalët e mira. Ju duhet t;i thërrisni mendjes, duhet të lexoni dhe kuptoni, ju këtu, por edhe ata që u paguajnë atje. Në këto kushte jemi kur ka një vërtetë shumë të thjeshtë sa është e kotë ta diskutosh, për shkak se nuk i thoni publikut se nuk bëhet fjalë për imunitetin. Prokuroria i ka mundësitë për ta cuar hetimin deri në fundit
Po ndarja?
Ndarja është e thjeshtë mes arrestimit pa asnjë provë dhe hetimit deri në fund me këto prova
A jeni dakord që të hiqet imuniteti plotësisht?
Kjo është pyetje idiote
