Është kthyer në traditë tanimë që Policia Rrugore e Tiranës të vijojë kontrollet me Drager. Dhe pavarësisht masave të marra, sërish shoferët nuk “zënë mend”.
Kështu, në autostradën Durrës-Tiranë, një shofere me inicialet L.D, po ecte me 163 km/h dhe në kushtet e lagështirës në rrugë, si pasojë e motit të keq.
Tek Ura e Tabakëve u arrestua shtetasi G.F, 37 vjeç pasi drejtonte mjetin ne gjendje të dehur në masën 0.57 mg/ dhe 0.60 mg/l.
Prej orës 23:00 të datës 24.03.2018 deri në orën 05:00 të datës 25.03.2018 u arrestuan ne flagrancë:
4 drejtues mjetesh ne gjendje te dehur, si dhe një drejtuese mjeti pa leje drejtimi.
Janë tërhequr 10 leje drejtimi për drejtim mjeti nën efektin e alkoolit në masë që varionte nga 0.22 mg/l deri ne 0.44 mg/l.
Janë kryer qindra alkool/teste ku vlen të theksohet se shumica e drejtuesve të automjeteve kane rezultuar 0.00 mg/l.
Një numër i konsiderueshëm kanë rezultuar nga 0.06 mg/l deri në masën 0.14 mg/l.
Janë tërhequr 14 leje drejtimi për shpejtësi tej normave te lejuara, shpejtësi që varionte nga 135 km/h deri ne 163 km/h.
Janë shoqëruar në pikë bllokimi 7 mjete për mos shlyerje të masave administrative që varionin nga 6 deri ne 9 masa.
Janë dërguar në OASH po gjatë këtyre orëve 11 drejtues mjetesh për mos vendosje të rripit te sigurimit, si dhe 4 drejtues mjetesh për shkelje të semaforit.
Tek ish-Blloku, drejtuesi i mjetit shtetasi D.N , 37 vjeç, drejtonte mjetin në gjendje të dehur në masën: 0.63 mg/l dhe 0.90.mg/l, i cili u arrestua në flagrancë.
Tek Selvia, shtetasi E.K,34 vjec drejtonte mjetin ne gjendje të dehur në masën 0.74 mg/l dhe 0.90 mg/l, ku u arrestua në flagrancë.
Në unazen e Re shtetasi G.S, 30 vjec drejtonte mjetin në gjendje të dehur në masën 0.53 mg/l dhe 0.54 mg/l.
Në Bulevardin e Kasharit shtetasja B.Z 25 vjeçe drejtonte mjetin pa leje drejtimi, e cila u arrestua ne flagrancë.
Policia Rrugore e Tiranës apelon për përdorim të mjeteve të transportit publik në rastet kur drejtuesit e automjeteve konsumojnë alkool apo nuk disponojnë leje drejtimi.
Alkooli ne timon vret jetën, errëson ngjyrat e fundjavës, siguria për një fundjave të kendshme dhe destinacion të sigurt në kthim është përdorimi i mjeteve të transportit publik.
Policia Rrugore falënderon gjithë ata drejtues mjetesh qe respektojnë rregullat e qarkullimit.
a.ç
