Një zjarr i madh ka rënë në një banesë në fshatin Balldre të Lezhës.
Si pasojë e flakëve një e moshuar që ka qenë në banesë është asfiksuar nga tymi. Nga raportimet e para bëhet me dije se shkak i flakëve është bërë rrjedhja e një bombole gazi që ndodhej në magazinë ngjitur me banesën dhe përdorej për gatim.
Në vendin e ngjarjes kanë shkuar forca të shumta zjarrfikësish të cilët kanë bërë të mundur shuarjen e flakëve të cilat u përhapën në masë të ndihmuara edhe nga era e fortë.
Ndërkohë e moshuara është dërguar në spitalin Rajonal të Lezhës dhe ende nuk dihet gjendja e saj shëndetësore.
/e.rr
