Kamerat e sigurisë në një hotel më Milwaukee kanë filmuar momentin e rëndë kur rojet e sigurisë i marrin jetën një personi gjatë arrestimit, duke i vendosur këmbën në fyt, njësoj si me tragjedinë e George Floyd që shkaktoi protesta në mbarë Amerikën.
Viktima këtë herë është 43 vjeçari Dvontaye Mitchell, i cili dëgjohet në audio teksa kërkon ndihmë pasi nuk po merrte frymë.
Momentalisht është ende e paqartë se përse Mitchell ndodhej në ambientet e “Hyatt Regency”. Sipas të dhënave paraprake, burri u gjet në tualetin e grave dhe për këtë arsye u thirrën dhe forcat e sigurisë së hotel, që e shtrinë atë në tokë.
Teksa ndodhej i rrethuar nga disa efektivë, 43 vjeçari iu kërkon falje, teksa një prej tyre i përgjigjet se “Kjo është ajo që ndodh kur hyn në banjon e grave”. Në momentin kur policia mbërriti në vendngjarje Mitchell ishte pa ndjenja dhe u dërguar drejt spitali, ku mbërriti pajetë.
Sipas nënës së viktimës, Dvontaye Mitchel, djali i saj vuante nga probleme të shëndetit mendor, teksa kërkoi nga hoteli “Hyatt Regency” që të publikojë filmimet e dy kamerave të tjera.
Për momentin rojet e sigurisë të përfshirë në këtë ngjarje janë pezulluar nga detyra.
/a.r
