Mbyllet pas dy vjetësh hetime super operacioni anti-drogë I koduar “Ring New”, i cili ishte I drejtuar nga Guardia di finanza e Breshias, duke vënë në pranga 99 persona, ndërkohë që numërohen edhe 196 të tjerë që janë në hetim.
Puna e agjenteve ka përfunduar për këtë operacion me arrestimin e 15 personave në Breshia, Napoli dhe në rrethinat përreth. Operacioni arriti të shkatërroi 5 grupe kriminale të trafikut të drogës I cili kishte shpërndarjet në Itali dhe jashtë saj.
Hetimet, sipas mediave italiane kanë nisur nga një grup shqiptarësh të cilët kishin lidhje me organizatat kriminale Ndrangheta, Camorra e Sacra corona Unita. Hetimet për këtë grup të madh të shqiptarëve janë zhvilluar dhe në Belgjikë, Spanjë, Holandë, Bullgari dhe Greqi.
Ky grup e transportonte drogën në sasi të mëdha me kamionë që niseshin nga Spanja dhe Holanda dhe që fshiheshin në ngarkesa me peshk, fruta dhe perime. Ndërsa marijuana kultivohej në Shqipëri dhe më pas dërgohej në Itali duke e transportuar me gomone të shpejta në brigjet e Italisë Perëndimore.
Rreth 5 ton drogë u sekuestrua, nga të gjitha llojet, kokaina, heroina, marijuana dhe hashash, shkruan noa. Por gjithashtu u sekuestruan makina luksi, pasuri të pa paluajtshme, 500 mijë euro cash si dhe të gjitha arrinin shumën e 1 milionë eurove.
