Imazhe dramatike vijnë nga Brazili dhe tregojnë momenti kur 245 persona hidhen njëkohësisht nga një urë 30 metra e lartë.
Qëllimi nuk është vetëvrasja, por thyerja e një rekordi botëror. Të gjithë pjesëmarrësit në iniciativën e guximshme ishin në fakt të lidhur me litarë.
Përpjekja për rekord “Guinnes” u zhvillua në Hortolandia të dielën, rreth një orë larg Sao Paolos. Pjesëmarrësit në kërkim të adrenalinës, mbanin helmeta të bardhë dhe u hodhën thuajse njëkohësisht duke u lëkundur më pas sa para mbrapa.
Deri më tani nuk ka mbërritur ende një deklaratë zyrtare nga “Guinnes”, që të konfirmojë rekordin, i cili ishte vendosur paraprakisht në prill të 2016-s kur 149 persona u hodhën nga ura po në këtë vend.
