Një video “hot” prej 15 sekondash në banjat e një diskoteke, e xhiruar pa dijeninë e tij, i ka kushtuar Mateo Voltolinit, portierit të dytë të Rexhanës (klub italian që militon në Serinë C) një pezullim prej një jave nga aktivitetet sportive. Futbollisti, i cili gjatë orëve të fundit ka përfunduar në mes të një furtune, i ka komunikuar avokatit të tij mbrojtës vendimin për të denoncuar autorin e filmimit dhe personat që e kanë shpërndarë.
Aktualisht forcat e rendit kanë nisur kërkimin, pavarësisht se puna e karabinierëve sapo ka filluar, pasi përveç ngjarjes në fjalë do të nisë një kërkim për personazhet momentalisht të panjohur.
Por gjithçka u filmua, teksa asnjëri prej tyre nuk kishte dijeni.
“Unë mendoj se nuk kam bërë asgjë të keqe, por e kuptoj vendimin e klubit, pasi ngjarja bëri bujë, megjithëse do kem kohë që të shpjegoj gjithçka”, tha i riu për mediat italiane.
FAKTET – Duke nisur nga faktet e para: Voltolini, pas ndeshjes së fituar kundër Vis Pezaros të shtunën 17 nëntor ka kaluar natën në një diskotekë të zonës. Deri këtu asgjë e gabuar, po të mos ishte që lojtari në njëfarë pike ka hyrë në tualet i shoqëruar nga një vajzë me të cilën ka pasur një raport intim.
Të dy nuk e kanë kuptuar, megjithatë, që së bashku me ta ndodhej edhe një person i tretë, i cili po i filmonte nga sipër, duke bërë që videoja, menjëherë më pas, të bëhej virale.
DENONCIM DHE PEZULLIM — Si Voltolini po ashtu edhe vajza e kanë denoncuar ngjarjen, momentalisht në drejtim të anonimëve, pasi ende nuk dihen autorët. Ndërkohë, në pritje të zhvillimit të ngjarjes, drejtuesit e Rexhanës kanë dashur të japin një sinjal të fortë, duke pezulluar futbollistin “për një javë”, siç lexohet në faqen zyrtare të klubit, “në pritje për të zbuluar fakte të mëtejshme”.
Një zgjedhje kjo e klubit e nevojshme që Voltolini të kuptonte peshën e çështjes, por që ndërkohë është, në njëfarë mënyre, edhe një paralajmërim për pjesën tjetër të skuadrës.
Kliko për videon/ https://www.calcioweb.eu/video-gallery/il-video-hard-del-portiere-della-reggiana-matteo-voltolini-diventa-virale/id/374714805/
g.kosovari
