Në 20 orët e seancës parlamentare për programin e qeverisë, ka qenë rasti të shohim dhe dëgjojmë prurjet e reja në parlament.
Një prej tyre, Ervin Salianji ra në sy një moment në parlament, kur duke folur për prindërit që nuk blejnë librat e fëmijëve të tyre, i ra me grusht foltores së kuvendit.
Një teknikë, me të cilën deputeti i ri i PD-së deshi t’i dëgjohet zëri, të bëhet më bindës dhe pse jo, ta “trondisë” njëherë mazhorancën.
Por efekti ka qenë krejt i kundërt. Në parlament u dëgjuan të qeshurat e socialistëve.
Ndërsa Rama nuk e mbajti dot veten, duke thënë se fjalimi i Salianjit i kujtoi atë të Violeta Manushit.
/a.m.
