Edicioni i lajmeve në RTK ka nisur sot me një surprizë të hidhur. Aktivistë të PSD kanë hyrë në studio ndërsa jepej edicioni informativ, ndërsa në duar mbanin pankartën: “Radio Televizioni i Kurtit”.
Personi që është futur në studio është identifikuar si Nol Nushi. Ai ka mundur të futet pasi është menduar se është i ftuar.
Dyshohet se protesta erdhi pas emërimit të ish-anëtarit të Lëvizjes Vetëvendosje si drejtor i RTK-së, Rilind Gërvallës.
Moderatorja e RTK ka kerkuar ndjesë pas këtij episodi: “Ju kërkoj ndjesë për ato skena që patë pak më përpara kur në mënyrë të paorganizuar dhe të panjohur si nga ana e stafit, si nga ana e redaksisë persona të panjohur hyn brenda përbrenda televizionit publik dhe bënë atë që ju patët mundësi ta shihni pak më përpara”, tha moderatorja.
“Ju kërkoj ndjesë publikisht”, shtoi ajo./m.j
